சந்தானம் நடித்த டிடி நெக்ஸ்ட் லெவல் மற்றும் சூரி நடித்த மாமன் ஆகிய இரண்டு படங்களும் ஒரே நாளில் ரிலீஸ் ஆகியது. இருவருமே பிரபல காமெடி நடிகர்களாக இருந்து ஹீரோவாக அவதாரம் எடுத்தவர்கள் என்பதும், இந்த இருவரில் யார் வெற்றி பெறுவார்கள் என்ற போட்டி திரையுலகினர்களை கூர்ந்து கவனிக்க வைத்தது என்பது குறிப்பிடத்தக்கது.
இந்த நிலையில், சூரியின் மாமன் திரைப்படம் 40 கோடி வசூல் செய்த நிலையில், சந்தானத்தின் டிடி நெக்ஸ்ட் லெவல் திரைப்படம் வாஷி அவுட் ஆகிவிட்டதாகவும், போட்ட காசு கூட வரவில்லை என்றும் கூறப்படுவது அதிர்ச்சியை ஏற்படுத்தி உள்ளது. எனவே, சூரி அடுத்தடுத்து ஹீரோவாக படங்களை புக் செய்து கொண்டிருக்கும் நிலையில், மீண்டும் காமெடி வேடத்திற்கு திரும்பி விடலாமா என்று சந்தானத்தை இந்த படத்தின் தோல்வி யோசிக்க வைத்துள்ளதாகவும் தெரிகிறது.
சூரி காமெடி நடிகராக பல வருடங்கள் இருந்தாலும், ஹீரோவான பிறகு அவர் முழுக்க முழுக்க சீரியஸ் ஆன கேரக்டரையை ஏற்று நடித்தார். விடுதலை படத்தின் இரண்டு பாகங்கள் உள்பட அனைத்து படங்களிலும் அவர் காமெடிக்கு முக்கியத்துவம் கொடுக்காமல், முழுக்க முழுக்க தன்னுடைய பாணியை மாற்றினார்.
ஆனால் சந்தானம் ஹீரோ ஆன பின்னரும் காமெடியை தொடர்ந்து கொண்டிருந்ததால் தான் அவரது படம் வெற்றி பெறவில்லை என்று கூறப்படுகிறது.
