பிக் பாஸ் நிகழ்ச்சியில் இருந்து இன்று வெளியேற்றப்படுவார் யார்? என்பதை புரோமோ வீடியோவில் கமல்ஹாசன் நேரடியாகத் தெரிவிக்காமல் பில்டப் செய்து வருகிறார் என்றாலும் நேற்றே சமூக வலைதளங்களில் பிக்பாஸ் வீட்டில் இருந்து தர்ஷன் வெளியேறி விட்டதாகவும் மற்ற லாஸ்லியா, ஷெரின் ஆகிய இருவரும் தப்பித்து விட்டதாகவும் செய்திகள் வெளியாகியது
தர்ஷனின் வெளியேற்றத்தை ஜீரணித்துக் கொள்ள முடியாமல் பல சமூக வலைதள பயனாளர்கள் தங்கள் வருத்தத்தை தெரிவித்து வருகின்றனர். பிக்பாஸ் டைட்டில் வெல்ல தகுதியான நபர்களின் ஒருவர் என கருதப்பட்ட தர்ஷன், இறுதிப்போட்டிக்கு கூட செல்ல முடியாமல் வெளியேற்றப்படுவது தங்களை வருத்தப்படுத்தியதாக பலர் தங்கள் கருத்துக்களை தெரிவித்து வருகின்றனர்
இந்த நிலையில் பிக்பாஸ் சீசன் 3 போட்டியாளர்களின் ஒருவரான சேரன் தனது சமூக வலைத்தளத்தில் தர்ஷன் வெளியேற்றம் குறித்து தனது கருத்தை கூறியுள்ளார். அவர் கூறியதாவது: ஆகச்சிறந்த உழைப்பை கொடுத்து விளையாடிய தம்பி தர்சன் இன்று வெளியேற்றப்படுகிறார் என்றால் அது வருத்தத்திற்குரியது.. 100 சதவீதம் பிக்பாஸ் வின்னர் என்ற பட்டமும் பரிசும் பெற முழுத்தகுதியானவர். அவரின் முயற்சியும் முனைப்பும் அருகில் இருந்து பார்த்தவன் நான்.. அதிர்ச்சியிலிருந்து மீளவில்லை’ என்று கூறியுள்ளார்.
