இயக்குனர் பாண்டிராஜ் தமிழ் சினிமாவின் முக்கியமான கமர்ஷியல் இயக்குனர்களில் ஒருவர். பசங்க படத்தின் மூலம் அறிமுகமான அவர் அடுத்தடுத்து இயக்கிய கடைகுட்டி சிங்கம், நம்ம வீட்டுப் பிள்ளை போன்ற திரைப்படங்கள் பெரியளவில் வெற்றியைப் பெற்றன. கடைசியாக அவர் இயக்கிய ‘எதற்கும் துணிந்தவன்’ திரைப்படம் 2022 ஆம் ஆண்டு ரிலீஸாகி தோல்வி படமாக அமைந்தது.
இதனால் பாண்டிராஜ் தன்னுடைய அடுத்த படத்தின் திரைக்கதையை உருவாக்க ஒரு இடைவெளி எடுத்துக்கொண்டார். திரைக்கதையை எழுதி முடித்த பாண்டிராஜ் இப்போது விஜய் சேதுபதி நடிப்பில் சத்யஜோதி பிலிம்ஸ் தயாரிப்பில் அந்த கதையை இயக்கி வருகிறார். நித்யா மேனன் கதாநாயகியாக நடக்கிறார். இந்த படத்தின் ஷூட்டிங் தொடங்கி விறுவிறுப்பாக நடைபெற்று வந்த நிலையில் தற்போது இறுதிகட்டத்தை நெருங்கியுள்ளது.
இறுதிகட்ட ஷூட்டிங் தற்போது பொன்னமராவதியில் நடந்து வருகிறது. இந்நிலையில் இந்த படத்தில் மலையாள சினிமாவின் முன்னணி நடிகரான செம்பன் வினோத் ஜோஸ் ஒரு முக்கியக் கதாபாத்திரத்தில் நடிக்கிறார். இவர் ஏற்கனவே கமல்ஹாசனின் விக்ரம் படத்திலும் நடித்துள்ளார்.
