தமிழில் ராஜா ராணி, தெறி, மெர்சல் மற்றும் பிகில் என அடுத்தடுத்து சூப்பர்ஹிட் படங்களைக் கொடுத்த இயக்குனர் அட்லி பாலிவுட் சென்று ஜவான் என்ற பிளாக்பஸ்டர் படத்தை ஷாருக் கானுக்குக் கொடுத்தார். இதன் மூலம் இந்தியா முழுவதும் கவனிக்கப்படும் இயக்குனர் ஆகியுள்ளார். அடுத்து அல்லு அர்ஜுன் நடிப்பில் ஒரு படத்தை இயக்கப் பேச்சுவார்த்தை நடத்தினார். ஆனால் அந்த படம் பேச்சுவார்த்தையோடு கைவிடப்பட்டது.
இதையடுத்து அவர் சல்மான் கானை வைத்து ஒரு படம் இயக்கவுள்ளதாகவும் அதற்கான திரைக்கதை வேலைகள் நடந்துவருவதாகவும் தகவல்கள் வெளியாகின. மேலும் இந்த படத்தில் சல்மான் கானோடு கமல்ஹாசன் அல்லது ரஜினிகாந்தை நடிக்க வைக்க அட்லி முயற்சி செய்வதாக சொல்லப்படுகிறது. ஆனால் அவர்கள் தரப்பில் இருந்து சாதகமான பதில் எதுவும் வரவில்லை என்று சொல்லப்படுகிறது. இதனால் இந்த படம் தற்போதைக்குத் தள்ளிவைக்கப்பட்டுள்ளதாக சொல்லப்படுகிறது.
இந்நிலையில் சமீபத்தில் சிவகார்த்திகேயனை சந்தித்த அட்லி ஒரு கதையை விவரித்துள்ளதாகவும், இதனால் இருவரும் இணைந்து விரைவில் படம் ஒன்றில் நடிக்கலாம் என்றும் சொல்லப்படுகிறது. ஆனால் இந்த படம் இப்போதைக்கு உருவாக வாய்ப்பில்லை என்றும் சொல்லப்படுகிறது.
