சினிமா நடிகர்களை ரசிகர்கள் எப்போதுமே ஒரு பெரிய இடத்தில் வைத்திருப்பர்கள். அதுபோல நடிகர்களும் படத்துக்காக தன்னை எந்த அளவிற்கும் குறைத்துக் கொள்ளவும், மாற்றிக் கொள்ளவும் தயங்க மாட்டார்கள்.
பீஹாரை சேர்ந்த பிரபல கணித வித்தகர் ஆனந்த் குமாரின் வாழ்க்கை பாலிவுட்டில் சினிமாவாக உருவாகி வருகிறது. இதற்கு சூப்பர் 30 என்று பெயரிடப்பட்டுள்ளது. இப்படத்தில் ஹிருத்திக் ரோஷன் ஆனந்த் குமார் ரோலில் நடிக்க விகாஷ் பால் இயக்குகிறார். இப்படத்திற்காக ஆளே அடையாளம் தெரியாத அளவுக்கு மாறியிருக்கிறார் பாலிவுட் நடிகர் ஹிருத்திக் ரோஷன். இவர் வித்தியாசமான வேடங்களை தேர்வு செய்து நடித்து வருபவர்.
இந்நிலையில் இப்படத்தில் அவருடைய புதிய லுக்கை பார்த்து ரசிகர்கள் அதிர்ச்சியாகியுள்ளனர். தற்போது அவர் அப்படத்திற்காக ரோட்டில் அப்பளம் விற்கும் புகைப்படம் ஒன்று வெளியாகி இருக்கிறது. அப்புகைப்படத்தை பார்த்தவர்கள் இவரா இது என்று ஆச்சரியப்பட்டு வருகின்றனர். இந்த புகைப்படம் சமூக வலைதளங்களில் வைரலாகி வருகிறது.
