லூசியா படப்புகழ் பவன் குமார் இயக்கும் பேண்டஸி வெப்சீரிஸில் அமலா பால் மையக் கதாபாத்திரத்தில் நடித்துள்ளார்.
கன்னட சினிமாவின் புது அலை இயக்குனர்களில் ஒருவராக கருதப்படுபவர் பவன் குமார். இவர் இயக்கிய லூசியா மற்றும் யுடர்ன் ஆகிய இரு படங்களும் மிகப்பெரிய அளவில் வரவேற்பைப் பெற்றன. இதையடுத்து அவர் இப்போது குடி யெடமைதே எனும் வெப் சீரிஸை உருவாக்கியுள்ளார். 8 எபிசோட்கள் கொண்ட இந்த சீரிஸ் டைம் லூப்பை அடிப்படையாகக் கொண்டது என சொல்லப்படுகிறது.
இதில் அமலா பால் போலீஸ் அதிகாரியாக நடிக்க மற்றொரு முக்கியக் கதாபாத்திரத்தில் ராகுல் விஜய் டெலிவரி பாயாக நடித்துள்ளார். எதிர்பார்ப்பை ஏற்படுத்தும் பேண்டஸீ த்ரில்லராக உருவாகியுள்ள இந்த சீரிஸ் விரைவில் வெளியாக உள்ளது.