நடிகர் அல்லு அர்ஜுன் நடிப்பில் சுகுமார் இயக்கத்தில் கடந்த 2021 ஆம் ஆண்டு வெளியான படம் புஷ்பா தி ரைஸ். இந்த படம் தமிழ், தெலுங்கு, இந்தி மற்றும் கன்னடம் ஆகிய மொழிகளில் பேன் இந்தியா படமாக வெளியாகி வெற்றி பெற்றது.
இதையடுத்து புஷ்பா 2 படத்தின் மீது மிகப்பெரிய எதிர்பார்ப்பு உருவானது. தென்னிந்தியாவை விட வட இந்தியாவில் புஷ்பா 2 மிகவும் எதிர்பார்க்கப்பட்ட படமாக அமைந்தது. அப்படி எதிர்பார்ப்புகளுக்கு மத்தியில் ரிலீஸாகி ஆறு நாட்களில் 1000 கோடி ரூபாய் வசூலித்து சாதனைப் படைத்துள்ளது. இந்த வசூல் தொடரும் பட்சத்தில் புஷ்பா மிகப்பெரிய சாதனைகளைப் படைக்கும் என தெரிகிறது.
இதற்கிடையில் புஷ்பா படம் பார்க்க வந்த பெண் கூட்ட நெரிசலில் சிக்கி பலியானதால் அல்லு அர்ஜுன் கைது செய்யப்பட்டது சர்ச்சைகளைக் கிளப்பியது. ஆனாலும் படத்தின் வசூல் நிற்காமல் சென்றுகொண்டிருக்கிறது. படம் வெளியாகி 10 நாட்களில் 1292 கோடி ரூபாய் வசூலித்துள்ளது. இதன் மூலம் இந்த ஆண்டில் அதிக வசூல் செய்த இந்திய படம் என்ற சாதனையைப் படைத்துள்ளது.
