அஜித், இப்போது மகிழ் திருமேனி இயக்கும் விடாமுயற்சி மற்றும் ஆதிக் இயக்கும் ‘குட் பேட் அக்லி’ஆகிய திரைப்படங்களில் நடித்து வருகிறார். விடாமுயற்சி படத்தின் ஷூட்டிங் சில மாதங்களாக லைகா நிறுவனத்தின் பொருளாதார பிரச்சனை காரணமாக நிறுத்தி வைக்கப்பட்ட நிலையில் மீண்டும் தொடங்கி நிறைவடைந்துள்ளது.
படத்தில் அஜித்தோடு, அர்ஜுன், ஆர்வ, த்ரிஷா, ரெஜினா உள்ளிட்ட பலர் நடித்துள்ளனர். ஓம் பிரகாஷ் ஒளிப்பதிவாளராகப் பணியாற்ற அனிருத் இசையமைக்கிறார். சமீபத்தில் படத்தின் டீசர் ரிலீஸானபோது அதன் ரிலீஸ் அடுத்த ஆண்டு பொங்கல் என அறிவிக்கப்பட்டிருந்தது.
ஆனால் படத்தில் இன்னும் 10 நாட்கள் ஷூட்டிங் செய்து அதை படத்தொகுப்பு செய்ய வேண்டிய வேலை மீதமுள்ளதாம். அதற்கான ஷூட்டிங் டிசம்பர் 7 ஆம் தேதி தொடங்கும் என சொல்லப்பட்ட நிலையில் இப்போது டிசம்பர் 17 ஆம் தேதிக்கு தள்ளிவைக்கப்பட்டுள்ளதாம். அதனால் படம் பொங்கல் பண்டிகைக்கு வருமா என்பது குறித்த சந்தேகங்கள் எழுந்துள்ளன.
