தமிழ் சினிமாவின் மூத்த இயக்குனர்களில் ஒருவரான ஜெயபாரதி உடல்நலக் குறைவால் காலமாகியுள்ளார். இவர் இயக்கிய குடிசை திரைப்படம்தான் தமிழ் சினிமாவில் முதல் முதலாக உருவாக்கப்பட்ட க்ரவுட் பண்டிங் படம் என்பது குறிப்பிடத்தக்கது.
பத்திரிக்கையாளராக இருந்து காட்டமான விமர்சனங்களை எழுதிவந்த் ஜெயபாரதி, பாலச்சந்தர் அபூர்வ ராகங்கள் படத்தில் ரஜினி நடித்த கதாபாத்திரத்தில் நடிக்க அழைத்தும் செல்லாமல் இயக்குனர் ஆனார். குடிசை படத்துக்குப் பிறகு அவர் ‘ஊமை ஜனங்கள்', ‘ரெண்டும் ரெண்டும் அஞ்சு', ‘உச்சி வெயில்', ‘நண்பா நண்பா', ‘குருஷேத்திரம்', ‘புத்திரன்' ஆகிய படங்களை இயக்கியுள்ளார்.
இவரின் படங்கள் பெரியளவில் வணிக வெற்றி பெறவில்லை என்றாலும் விமர்சன ரீதியாக பாராட்டுகளைப் பெற்றன. ஆவடியில் உள்ள அவரது உடலுக்குத் திரையுலகினர் அஞ்சலி செலுத்தினர்.
