அஜித் நடித்த ‘குட் பேட் அக்லி’ படம் கடந்த வியாழக்கிழமை உலகம் முழுவதும் திரையரங்குகளில் வெளியாகி, ரசிகர்களிடையே நல்ல வரவேற்பை பெற்று வருகிறது. இந்நிலையில், இந்த படம் கலவையான விமர்சனங்களைப் பெற்றாலும் மிகப்பெரிய அளவில் வசூல் செய்து வருகிறது.
படத்தில் கதை என்பதோ, சுவாரஸ்யமான திரைக்கதை என்பதோ மருந்தளவுக்கும் இல்லை. அஜித்தின் முந்தைய ஹிட் படங்களின் இமேஜ்களை படத்தில் ஆங்காங்கே சொருகி அஜித் ரசிகர்களை கிச்சுகிச்சு மூட்டி விட்டுள்ளார் ஆதிக். படம் முழுவதும் அஜித் கதாபாத்திரத்தை மற்ற கதாபாத்திரங்கள் எல்லாம் வானளாவ புகழ்ந்து தள்ளுகின்றன. அவர் கூட கதாபாத்திரங்கள் கொடுக்கும் ‘பில்ட் அப்’ களை விட வில்லன்கள் கொடுக்கும் பில்ட் அப் ‘ஓவரா கூவுறாண்டா’ என்பது போல இருக்கிறது.
இப்படி அஜித் ரசிகர்கள் இந்த படத்தைக் கொண்டாடித் தீர்க்கும் வேளையில் அவர்களுக்கு அடுத்த மகிழ்ச்சியான செய்தி ஒன்று வெளியாகியுள்ளது. அஜித் நடிப்பில் 11 ஆண்டுகளுக்கு முன்னால் ரிலீஸான ‘வீரம்’ திரைப்படம் அவரின் பிறந்தநாளை முன்னிட்டு மே 1 ஆம் தேதி ரி ரிலீஸ் ஆகவுள்ளது. இதையடுத்து படத்தின் டீசரை நடிகர் அர்ஜுன் தாஸ் வெளியிட்டுள்ளார்.
