ஆதிக் ரவிச்சந்திரன் இயக்கத்தில் உருவாகும் இந்த படத்துக்கு ஜி வி பிரகாஷ் இசையமைக்கிறார். தெலுங்கு சினிமாவின் முன்னணி தயாரிப்பு நிறுவனமான மைத்ரி மூவி மேக்கர்ஸ் நிறுவனம் தயாரிக்கிறது. படத்தில் சுனில், அர்ஜுன் தாஸ், பிரசன்னா மற்றும் த்ரிஷா ஆகியோர் முக்கிய வேடங்களில் நடிக்கின்றனர். படம் ஏப்ரல் 10 ஆம் தேதி ரிலீஸாகிறது. அஜித் மூன்று விதமான கெட்டப்களில் நடிப்பதாக சொல்லப்படுகிறது.
இந்நிலையில் கடந்த 28 ஆம் தேதி இந்த படத்தின் டீசர் ரிலீஸானது. வேகமாக ஆக்ஷன் காட்சிகள் மற்றும் பன்ச் வசனங்களை அடக்கி படத்தொகுப்பு செய்யபப்ட்ட இந்த டீசர் ரசிகர்கள் மத்தியில் நல்ல வரவேற்பைப் பெற்று வருகிறது. இதுவரை கிட்டட்தட்ட 4 கோடி பேரால் பார்க்கபப்ட்டுள்ளது. இதனால் படத்தின் மேல் மிகப்பெரிய எதிர்பார்ப்பு உருவாகியுள்ளது.
கிரீடம் படத்துக்குப் பிறகு 18 ஆண்டுகள் கழித்து அஜித் படத்துக்கு இந்த படத்தின் மூலம் இசையமைக்கிறார் ஜி வி பிரகாஷ். இந்நிலையில் இந்த படத்தின் முதல் சிங்கிள் பாடல் மார்ச் 14 ஆம் தேதி வெளியாக வாய்ப்புள்ளதாக சொல்லப்படுகிறது.
