‘‘சிவனடியாராக உள்ள ஓர் அகோரிக்கும் தீய சக்திகளுக்குமிடையே நடக்கும் போராட்டத்தை மையமாக கொண்டு ஆக்க்ஷன், த்ரில்லர், காமெடி, காதல், சென்டிமென்ட் என எல்லா அம்சங்களையும் உள்ளடக்கி ஆறிலிருந்து அறுபது வரை உள்ள அனைத்து வயதினருக்குமான வணிக அம்சங்கள் கொண்டு உருவாகியுள்ள படம் "அகோரி" .
அறிமுக இயக்குநர் டி.எஸ். ராஜ்குமார் இயக்கம் இப்படத்தில் சாயாஜி ஷிண்டே அகோரியாக நடித்துள்ளார். இவர்களுடன் மைம் கோபி , சித்து, டார்லிங் மதனகோபால், ரியாமிகா, மாதவி, வெற்றி, கார்த்தி, 'கலக்கப்போவது யாரு' சரத், டிசைனர் பவன் ஆகியோரும் நடித்துள்ளனர். கூத்துப்பட்டறையில் பயிற்சி பெற்ற புதிய கலைஞர்களும் இப்படத்தில் நடித்திருக்கிறார்கள்.
மோஷன் பிலிம் பிக்சர் சுரேஷ் கே. மேனன் தயாரிக்கும் இப்படத்தில் சகுல்லா மதுபாபு வில்லனாக நடிக்க ஸ்ருதி ராமகிருஷ்ணன் கதாநாயகியாக நடித்துள்ளார். கடந்த வருடம் வெளியான இப்படத்தின் டீசர் ரசிகர்களிடையே நல்ல வரவேற்பை பெற்றது. இந்நிலையில் தற்ப்போது இப்படத்தின் ட்ரைலர் 'தர்பார்' படம் வெளியாகும் அனைத்து திரைகளிலும் வெளியாகிறது. மேலும் 'அகோரி' படம் பார்த்த சென்சார் அதிகாரிகள் நல்ல பொழுதுபோக்குடன் அமைந்த திகில் கதையாக இருக்கிறது என்று பாராட்டி யூ / ஏ சான்றிதழ் கொடுத்துள்ளார்கள்.
