அஜித் நடிப்பில் ஹெச் வினோத் இயக்கும் புதிய படத்தின் படப்பிடிப்பு விறுவிறுப்பாக நடந்துவருகிறது.
அஜித்தின் 61வது படப்பிடிப்பு சமீபத்தில் ஐதராபாத்தில் சிறிய பூஜையுடன் தொடங்கியது. ராமோஜி ராவ் பிலிம் சிட்டியில் சென்னை அண்ணா சாலை போன்ற செட் போடப்பட்டு அதில் படப்பிடிப்பு நடத்தப்பட்டுள்ளது. இந்த படம் ஒரு வங்கிக் கொள்ளை சம்மந்தப்பட்ட படம் என சொல்லப்படுகிறது. இந்நிலையில் தற்போது வங்கி மாதிரி போடப்பட்ட செட்டில்தான் H வினோத் படப்பிடிப்பை நடத்தி வருகிறாராம். இந்த படத்தில் மஞ்சு வாரியர், சமுத்திரக்கனி ஆகியோர் நடிப்பதை அதிகாரப்பூர்வமாக உறுதி செய்துள்ளனர்.
மேலும் ஜான் கொக்கன், ராஜதந்திரம் வீரா, நடிகை நாயனா சாய் ஆகியோரும் நடிக்க உள்ளதாக தகவல்கள் வெளியாகியுள்ளன. இந்நிலையில் இப்போது ஜிகர்தண்டா மற்றும் சதுரங்க வேட்டை ஆகிய படங்களில் கவனம் ஈர்த்த நடிகர் ராமச்சந்திரன் துரைராஜ் இந்த படத்தில் ஒரு முக்கிய வேடத்தில் நடித்து வருவதாக தகவல்கள் வெளியாகியுள்ளன.
