இந்திய கிரிக்கெட் அணியின் நட்சத்திரங்களில் ஒருவரான மிதாலி ராஜ் ஒருநாள் கிரிக்கெட்டுக்குள் நுழைந்து 22 ஆண்டுகளைக் கடந்துள்ளார்.
இந்திய பெண்கள் கிரிக்கெட்டின் சூப்பர் ஸ்டார் என்றால் அது மிதாலி ராஜ். தற்போது 38 வயதாகும் அவர் 1999 ஆம் ஆண்டு முதல் ஒரு நாள் போட்டிகளில் விளையாடி வருகிறார். இதையடுத்து நாளை இங்கிலாந்து அணியுடன் நடக்கும் ஒருநாள் போட்டியில் விளையாடுவதன் மூலம் 22 ஆண்டுக்குள் காலடி எடுத்து வைக்கிறார்.
ஒருநாள் போட்டிகளில் சச்சின் டெண்டுல்கர் 22 ஆண்டுகள் 91 நாட்கள் விளையாடினார். அந்த சாதனையை விரைவில் மிதாலி ராஜ் முறியடிப்பார் என எதிர்பார்க்கப்படுகிறது. 22 ஆண்டுகளில் மிதாலி ராஜ் 214 போட்டிகளில் விளையாடி, 7 சதம், 55 அரை சதங்களுடன் 7098 ரன்கள் எடுத்துள்ளார் என்பது குறிப்பிடத்தக்கது.
