குளிர்கால பாராலிம்பிக் போட்டி: ரஷ்ய வீரர்கள் அதிரடி நீக்கம்!
விரைவில் நடைபெற இருக்கும் குளிர்கால பாரா ஒலிம்பிக் போட்டிகளில் ரஷ்யா மற்றும் பெலாரஸ் நாடுகளின் வீரர்கள் அதிரடியாக நீக்கம் செய்யப்பட்டு உள்ளதால் பெரும் பரபரப்பு ஏற்பட்டுள்ளது
உக்ரைன் மீது ரஷ்யா தாக்குதல் நடத்தி வரும் நிலையில் அந்த நாட்டின் மீது பல்வேறு கட்டுப்பாடுகள் விதிக்கப்படுகின்றன. அந்த நிலையில் சீனாவில் நாளை தொடங்க இருக்கும் குளிர்கால பாரா ஒலிம்பிக் போட்டியில் ரஷியா மற்றும் பெலாரஸ் வீரர்கள் நீக்கப்பட்டுள்ளனர்
மேலும் இரு நாடுகளும் பாரா ஒலிம்பிக் கொடியின் கீழ் போட்டியிட முடியாது என குறிப்பிடப்பட்டுள்ளது. ரஷ்யாவிலிருந்து 71 போட்டியாளர்களும் பெலாரஸ் நாட்டில் இருந்து 12 பேர் போட்டியாளர்களும் குளிர்கால ஒலிம்பிக் போட்டியில் பங்கேற்க இருந்த நிலையில் தற்போது அவர்களுக்கு அனுமதி இல்லை என்ற தகவல் பெரும் அதிர்ச்சியை ஏற்படுத்தியுள்ளது.
