ஆஸ்திரேலிய டெஸ்ட் அணியின் தொடக்க ஆட்டக்காரர் டேவிட் வார்னர் தான் ஓய்வு பெறுவதற்குள் இந்திய மண்ணில் டெஸ்ட் தொடரை வெல்ல வேண்டும் எனக் கூறியுள்ளார்.
ஆஸ்திரேலிய அணியின் தொடக்க ஆட்டக்காரர் டேவிட் வார்னர் கடந்த சில ஆண்டுகளாக மோசமான பார்மில் தவித்து வந்த நிலையில் இப்போது டி 20 உலகக்கோப்பை மற்றும் ஆஷஸ் தொடரில் சிறப்பாக விளையாடி வருகிறார். ஆஷஸ் தொடரை 3-0 என்ற கணக்கில் ஆஸி வென்றுள்ள நிலையில் வார்னர் அளித்துள்ள பேட்டியில் தன்னுடைய மிகப்பெரிய ஆசையை வெளிப்படுத்தியுள்ளார்.
அதில் ‘இந்தியாவில் நாங்கள் இதுவரை அவர்களை டெஸ்ட்டில் தோற்கடித்ததில்லை. இந்தியாவை அவர்கள் மண்ணில் டெஸ்ட் தொடரில் வீழ்த்த வேண்டும் என்பது என்னுடைய ஆசை. அடுத்து இங்கிலாந்தில் 2023 ஆம் ஆண்டு நடக்கும் ஆஷஸ் தொடரையும் வெல்ல வேண்டும்’ எனக் கூறியுள்ளார்.
