மிஷ்கின் இயக்கிவரும் பிசாசு 2 படத்தின் படப்பிடிப்புகள் முழுவதுமாக முடிந்து அடுத்த கட்ட வேலைகள் நடந்து வருகின்றன.
இயக்குனர் மிஷ்கின் இயக்கத்தில் 2016 ஆம் ஆண்டு வெளியான திரைப்படம் பிசாசு. அந்த படத்தில் பிசாசு எதிர்மறை கதாபாத்திரத்தில் உருவாக்காமல் தேவதையை போல உருவாக்கியிருந்தார் மிஷ்கின். அதனால் அந்த படம் பெரிய வெற்றி பெற்றது. இந்நிலையில் இப்போது அதன் இரண்டாம் பாகத்தை எடுத்து வருகிறார் மிஷ்கின். இந்த படத்தில் ஆண்ட்ரியா கதாநாயகியாக நடிக்க, முதல் முறையாக கார்த்திக் ராஜா மிஷ்கின் படத்துக்கு இசையமைக்கிறார். விஜய் சேதுபதி ஒரு முக்கியமான வேடத்தில் நடித்துள்ளார். இந்த படத்தின் படப்பிடிப்பு முழுவதுமாக முடிந்துவிட்டது.
இந்நிலையில் அடுத்த கட்ட வேலைகளான பின்னணி இசைக்கோர்ப்பு பணிகளை இயக்குனர் மிஷ்கின் மற்றும் கார்த்திக் ராஜா ஆகிய இருவரும் தொடங்க உள்ளனர்.
