ஐபிஎல் தொடரில் இதுவரை 8 அணிகள் விளையாடி கொண்டிருக்கும் நிலையில் அடுத்த ஆண்டு முதல் கூடுதலாக இரண்டு அணிகள் என மொத்தம் 10 அணிகள் விளையாட உள்ளதாக ஐபிஎல் நிர்வாகம் தெரிவித்தது என்பது தெரிந்ததே
இந்த நிலையில் கூடுதலாக இரண்டு அணிகளுக்கு இன்று ஏலம் நடைபெற்றது என்பதும் இந்த ஏலம் குறித்த விவரங்கள் மிக விரைவில் அதிகாரபூர்வமாக அறிவிக்கப்படும் என்றும் தகவல்கள் வெளியாகின
இந்த நிலையில் ஐபிஎல் தொடரில் அகமதாபாத் மற்றும் லக்னோ நகரங்களைக் கொண்ட 2 புதிய அணிகள் சேர்க்கப்பட்டுள்ளதாக அறிவிக்கப்பட்டுள்ளது. மேலும் லக்னோ அணியை 7 ஆயிரத்து 90 கோடிக்கு ஆர்பிஎஸ்ஜி நிறுவனமும் அகமதாபாத் அணியை ரூபாய் 5200 கோடிக்கு சிவிஎஸ் கேபிடல் பார்ட்னர்ஸ் என்ற நிறுவனம் வாங்கி உள்ளது என்பது குறிப்பிடத்தக்கது. இதனை அடுத்து ஐபிஎல் தொடரில் புதிதாக இரண்டு அணிகள் இணைய உள்ளது உறுதி செய்யப்பட்டுள்ளது என்பது குறிப்பிடத்தக்கது
