தமிழக சட்டப்பேரவைத் தேர்தலுக்கான வேட்பு மனு தாக்கல் மார்ச் 12ஆம் தொடங்கியது. அதில் மனுவை தாக்கல் செய்த முக்கிய கட்சிகளின் வேட்பாளர்கள் தங்களது சொத்துமதிப்புகளை பதிவு செய்தனர். அதில் கொளத்தூரில் வேட்புமனு தாக்கல் செய்த தி.மு.க. தலைவர் மு.க.ஸ்டாலின் தாக்கல் செய்துள்ள சொத்து பட்டியலில் இதோ...
‘கையிருப்பு தொகையாக ரூ.50 ஆயிரமும், தனது மனைவி துர்கா ரூ.25 ஆயிரமும் கையிருப்பு வைத்திருக்கிறார்கள். துர்காவிடம் ரூ.24 லட்சத்து 77 ஆயிரம் மதிப்பிலான 720 கிராம் தங்க நகைகள் உள்ளது. மு.க.ஸ்டாலினிடம் ரூ.4 கோடியே 94 லட்சத்து 84 ஆயிரத்து 792 மதிப்பிலான அசையும் சொத்துகளும், துர்காவிடம் ரூ.30 லட்சத்து 52 ஆயிரத்து 854 மதிப்பிலான அசையும் சொத்துகளும் உள்ளன.
மு.க.ஸ்டாலின் பெயரில் ரூ.2 கோடியே 24 லட்சத்து 91 ஆயிரத்து 410 மதிப்பிலான அசையா சொத்துகளும், துர்காவிடம் ரூ.1 கோடியே 38 லட்சத்து 46 ஆயிரத்து 283 மதிப்பிலான அசையா சொத்துகளும் இருக்கிறது. மு.க.ஸ்டாலின் மீது 47 வழக்குகள் நிலுவையில் உள்ளன என்று குறிப்பிடப்பட்டுள்ளது.
