தேமுதிக தலைவர் விஜயகாந்த் அவர்கள் விரைவில் குணமடைய இறைவனை பிரார்த்தனை செய்கிறேன் என சூப்பர் ஸ்டார் ரஜினிகாந்த் அவர்கள் தனது டுவிட்டர் பக்கத்தில் தெரிவித்துள்ளார்.
தேமுதிக தலைவர் விஜயகாந்த் அவர்கள் உடல் நலக் குறைவு காரணமாக தற்போது மருத்துவமனையில் அனுமதிக்கப்பட்டு சிகிச்சை பெற்று வருகிறார். அவரது கால்விரல் அகற்றப்பட்டதாகவும் அவருக்கு நீரிழிவு நோய் இருப்பதாகவும் தேமுதிக அறிக்கை ஒன்றை வெளியிட்டிருந்தது.
இந்த நிலையில் விஜயகாந்த் விரைவில் குணமடைய வேண்டுமென தமிழக முதல்வர் முக ஸ்டாலின் உள்பட பலர் வாழ்த்து தெரிவித்தனர். இந்த நிலையில் சூப்பர் ஸ்டார் ரஜினிகாந்த் தனது டுவிட்டர் பக்கத்தில் இது குறித்து கூறியிருப்பதாவது:
என் அருமை நண்பர் விஜயகாந்த் அவர்கள் விரைவில் குணமடைந்து பழையபடி கேப்டனாக கர்ஜிக்க வேண்டும் என்று எல்லாம் வல்ல இறைவனை வேண்டுகிறேன்.
