சென்னை அண்ணா அறிவாலயத்தில், முன்னாள் முதல்வர் கருணாநிதியின் 102வது பிறந்த நாளையொட்டி அமைக்கப்பட்ட சிலைக்கு முதலமைச்சர் மு.க. ஸ்டாலின் அஞ்சலி செலுத்தினார். பின்னர் செய்தியாளர்களை சந்தித்த அவர், பல முக்கிய விவரங்களை பகிர்ந்தார்.
“திரு. கருணாநிதியின் பிறந்த நாள் நிகழ்வுகள் 22 இடங்களில் சிறப்பாக நடத்தப்பட உள்ளன. அதில், நம் அரசின் சாதனைகளை மக்களிடையே தெளிவாக புரியச் செய்வதற்கான பிரசார நடவடிக்கைகளும் நடைபெறும்," என முதலமைச்சர் கூறினார்.
மேலும், மாற்றுத்திறனாளர்களுக்கான உள்ளாட்சி பிரதிநிதித்துவ மசோதாவிற்கு கவர்னர் ஆர்.என். ரவி ஒப்புதல் அளித்ததை பற்றி பேசும் போது, “ஒருவேளை நாம் நீதிமன்றத்திற்கு சென்று விடுவோம் என பயந்து அவர் ஒப்புதல் கொடுத்திருக்கலாம். வேறு ஒன்றும் இல்லை. இவ்வாறு அவர் கூறினார்.
