இன்று ஒரே நாளில் சென்னைக்கு வரும் விமானங்கள் மற்றும் சென்னையில் இருந்து கிளம்பும் விமானங்கள் என மொத்தம் 20 விமானங்கள் ரத்து செய்யப்பட்டுள்ளதாக அறிவிக்கப்பட்டுள்ளது. இது பயணிகள் மத்தியில் பெரும் அதிருப்தியை ஏற்படுத்தி உள்ளது.
சென்னையில் இருந்து புவனேஷ்வர், கொல்கத்தா, பெங்களூர், திருவனந்தபுரம், சிலிகுரி உள்ளிட்ட நகரங்களுக்கு புறப்பட்டு செல்லும் விமானங்கள் ரத்து செய்யப்பட்டுள்ளன. அதேபோல் சென்னைக்கு வரும் விமானங்களும் ரத்து செய்யப்பட்டுள்ளதாக கூறப்படுகிறது. இன்று ஒரே நாளில் 12 விமானங்கள் ரத்து செய்யப்பட்டுள்ளதால் பயணிகள் அவதி அடைந்துள்ளனர்.
ரத்து செய்யப்பட்ட விமானங்கள் அனைத்தும் ஏர் இந்தியா எக்ஸ்பிரஸ் விமான நிறுவனத்தைச் சேர்ந்ததாகவும், நிர்வாக காரணங்களுக்காக விமானங்கள் ரத்து செய்யப்பட்டதாகவும் விமான நிலைய அதிகாரிகள் தெரிவித்துள்ளனர்.
சென்னை விமான நிலையத்தில் கடந்த சில நாட்களுக்கு முன்புதான் 10 விமானங்கள் ரத்து செய்யப்பட்டதாக அறிவிக்கப்பட்ட நிலையில், தற்போது 12 விமானங்கள் ரத்து செய்யப்பட்டுள்ளதாகவும், எந்தவித முன் அறிவிப்பும் இன்றி இவ்வாறு ரத்து செய்யப்படுவது பயணிகள் மத்தியில் பெரும் அதிர்ச்சியை ஏற்படுத்தி வருவதாகவும் கூறப்படுகிறது.
