இன்று 17 புறநகர் மின்சார ரயில்கள் ரத்து: சிறப்பு ரயில்களின் முழு விவரங்கள்..!

பராமரிப்பு பணிகள் காரணமாக, கும்மிடிப்பூண்டி மற்றும் சூலூர்பேட்டை வழித்தடங்களில் இயக்கப்படும் 17 புறநகர் மின்சார ரயில்கள் சனிக்கிழமை ரத்து செய்யப்பட்டுள்ளன. தெற்கு ரயில்வே, சென்னை கோட்டம் வெளியிட்டுள்ள செய்திக்குறிப்பில் இந்தத் தகவல் தெரிவிக்கப்பட்டுள்ளது.

ரத்து செய்யப்பட்ட ரயில்களின் முழு விவரங்கள் இதோ:

சென்னை சென்ட்ரலில் இருந்து சூலூர்பேட்டை செல்லும் ரயில்கள்: காலை 10:15 மணி மற்றும் நண்பகல் 12:10 மணி ரயில்கள்.

சென்னை சென்ட்ரலில் இருந்து கும்மிடிப்பூண்டி செல்லும் ரயில்கள்: காலை 11:35 மணி, பிற்பகல் 1:40 மணி, 3:05 மணி ரயில்கள்.

கும்மிடிப்பூண்டியில் இருந்து சென்ட்ரல் செல்லும் ரயில்கள்: பிற்பகல் 1:00, 2:30, 3:15, 3:45, மற்றும் மாலை 5:00 மணி ரயில்கள்.

சூலூர்பேட்டையில் இருந்து சென்ட்ரல் செல்லும் ரயில்கள்: பிற்பகல் 1:00, 1:15, 3:10 மணி ரயில்கள்.

கடற்கரையில் இருந்து கும்மிடிப்பூண்டி செல்லும் ரயில்கள்: பிற்பகல் 12:40, 2:40, 3:45 மணி ரயில்கள்.

கும்மிடிப்பூண்டியில் இருந்து கடற்கரை செல்லும் ரயில்: மாலை 4:30 மணி ரயில்.

பயணிகளின் வசதிக்காக சிறப்பு ரயில்கள்:

ரயில்கள் ரத்து செய்யப்பட்டதால் பயணிகளுக்கு ஏற்படும் சிரமத்தை தவிர்க்க, சிறப்பு ரயில்கள் இயக்கப்படும் எனவும் அறிவிக்கப்பட்டுள்ளது:

சென்னை சென்ட்ரலில் இருந்து பொன்னேரி செல்லும் சிறப்பு ரயில்கள்: காலை 11:35 மணி, பிற்பகல் 1:40 மணி, 3:05 மணி.

கடற்கரையில் இருந்து பொன்னேரி செல்லும் சிறப்பு ரயில்கள்: பிற்பகல் 12:40 மணி, 2:40 மணி, 3:45 மணி.

பொன்னேரியில் இருந்து சென்ட்ரல் செல்லும் சிறப்பு ரயில்கள்: பிற்பகல் 1:18, 2:48, 3:33, மாலை 4:03, 5:18 மணி.

பொன்னேரியில் இருந்து கடற்கரை செல்லும் சிறப்பு ரயில்: மாலை 4:47 மணி.

கும்மிடிப்பூண்டியில் இருந்து சென்ட்ரல் செல்லும் சிறப்பு ரயில்: பிற்பகல் 12:05 மணி.

சூலூர்பேட்டையில் இருந்து கும்மிடிப்பூண்டி செல்லும் சிறப்பு ரயில்: மாலை 4:30 மணி.

பயணிகள் இந்த மாற்றங்களை கவனத்தில் கொண்டு தங்களின் பயணத்தை திட்டமிடுமாறு ரயில்வே துறை கேட்டுக்கொண்டுள்ளது.

Edited by Mahendran