துக்ளக் ஆசிரியர் குருமூர்த்தி வீட்டில் நேற்று மர்ம நபர்கள் சிலர் பெட்ரோல் குண்டு வீசி தாக்குதல் செய்ய முயற்சித்தனர் என்று செய்தி வெளியானது தெரிந்ததே. இந்த செய்தி வெளியானதும் ஒரு சிலர் ரஜினி-பெரியார் பிரச்சனையை மறைப்பதற்காக இப்படி ஒரு புரளி கிளப்பி விடுவதாக கூறினார்
இதனையடுத்து சற்று முன்னர் போலீசார் இதுகுறித்த சிசிடிவி கேமரா வீடியோ பதிவை வெளியிட்டு உள்ளனர். இந்த வீடியோவில் 3 இருசக்கர வாகனங்களில் 6 பேர் குருமூர்த்தி வீட்டின் முன் இறங்கி வருவதும் அதில் ஒருவர் பெட்ரோல் குண்டை எடுத்து வீசுவதும் ஆனால் அந்த குண்டு வெடிக்காமல் இருந்ததும் அதன் பின்னர் போலீசார் வருவதை அறிந்ததும் 6 பேரும் அவசர அவசரமாக தங்களுடைய இரு சக்கர வாகனத்தில் கிளம்பி தப்பித்து ஓடுவதுமான காட்சிகள் உள்ளது.
இந்த சிசிடிவி வீடியோவில் இருசக்கர வாகனங்களில் வந்த 6 பேர்களின் முகம் தெளிவாக தெரிவதால் விரைவில் அவர்களை போலீசார் பிடித்து விடுவார்கள் என்று எதிர்பார்க்கப்படுகிறது இதனையடுத்து குருமூர்த்தி வீட்டுக்கு கூடுதல் பாதுகாப்பு போடப்பட்டுள்ளது ஆக போலீஸ் தரப்பில் கூறப்பட்டுள்ளது
