விஜய் நடித்த “பிகில்” திரைப்படத்திற்கு சிறப்பு காட்சிக்கு அனுமதி வழங்கப்படாமல் இருந்த நிலையில், தற்போது சிறப்பு காட்சிக்கான அனுமதியுடன் இன்று வெளியானது.
விஜய் நடிப்பில் அட்லி இயக்கிய பிகில் திரைப்படம் தீபாவளியை முன்னிட்டு வெளியிட திரைப்பட குழு தயாரானது. இந்நிலையில் தீபாவளியோடு விஜய் திரைப்படம் வெளியாவதால் ரசிகர்கள் மிகுந்த கொண்டாட்டத்தில் இருந்தனர்.
ஆனால் தமிழக எந்த திரைப்படத்திற்கும் காலை 5 மணி சிறப்பு காட்சிகளுக்கு அனுமதி இல்லை என அறிவித்தது. இதனனையடுத்து விஜய் ரசிகர்கள் மிகவும் மனவேதனையில் இருந்தனர். அதன்பின்பு திரைப்பட குழுவினர் தமிழக அரசிடம் பேச்சுவார்த்தை நடத்தினர்.
இதன் பிறகு பிகில் திரைப்படத்திற்கு சிறப்பு காட்சிகள் அனுமதி அளிக்கப்பட்டது. இதனை பிகில் திரைப்படத்தின் தயாரிப்பாளர் கல்பாத்தி அர்ச்சனா தனது டிவிட்டர் பக்கத்தில் உறுதி செய்தார். இந்நிலையில் இன்று காலை 5 மணி சிறப்பு காட்சிகளுடன் பிகில் திரைப்படம் இன்று வெளியானது. இதனை விஜய் ரசிகர்கள் பெரும் உற்சாகத்துடன் கொண்டாடிவருகின்றனர்.
