காங்கிரஸ் கட்சியில் செய்ய வேண்டிய முக்கிய சீர்திருத்தங்கள் குறித்து அக்கட்சியின் தலைவர் சோனியா காந்தி தெரிவித்துள்ளார்
நேற்று காங்கிரஸ் கட்சியின் முக்கிய ஆலோசனை கூட்டம் ராஜஸ்தான் மாநிலம் உதய்பூரில் நடைபெற்றது. இந்த கூட்டத்தில் காங்கிரஸ் கட்சியை சீரமைக்க சிறப்புக்குழுவின் பரிந்துரைகள் ஏற்றுக் கொள்ளப்பட்டதாக தகவல் வெளியாகி உள்ளது
இந்த நிலையில் அடுத்த சில நாட்களில் 2024 ஆம் ஆண்டு மக்களவைத் தேர்தலை சந்திக்க செயலாற்ற சிறப்பு குழு நியமிக்கப்பட இருப்பதாக சோனியா காந்தி தெரிவித்துள்ளார். மேலும் கட்சியிலும் ஒருவருக்கு ஒரு பதவி, ஐந்து ஆண்டுகளுக்கு மேல் பதவி நீடிப்பு யாருக்கும் கிடையாது உள்ளிட்ட சில சீர்திருத்த முடிவுகளை எடுக்க இருப்பதாகவும் அவர் தெரிவித்தார்
காங்கிரஸ் கட்சிக்கு ஒரு புதிய உதயம் எழ வாய்ப்பு இருப்பதாக நம்பிக்கை தெரிவித்த சோனியா காந்தி இந்தியாவில் விழிப்புணர்வு பாதயாத்திரை நடத்த போவதாகவும் காஷ்மீர் முதல் கன்னியாகுமரி வரை இந்த பாதயாத்திரை நடைபெறும் என்றும் தெரிவித்தார்
