தேஜஸ்வி யாதவை அடுத்து மார்க்சிஸ்ட் கம்யூனிஸ்ட் கட்சி எம்.பி.யின் மனைவிக்கும் இரட்டை வாக்காளர் அட்டை!

ராஷ்டிரிய ஜனதா தளம்  தலைவர் தேஜஸ்வி யாதவ் இரட்டை வாக்காளர் அடையாள அட்டைகளை கொண்டுள்ள விவகாரம் சர்ச்சையை ஏற்படுத்தியுள்ள நிலையில், தற்போது மார்க்சிஸ்ட் கம்யூனிஸ்ட் கட்சி எம்.பி-யின் மனைவியும் இரட்டை வாக்காளர் அடையாள அட்டைகளை கொண்டுள்ளதாக தேர்தல் ஆணைய வட்டாரங்கள் தெரிவித்துள்ளன.

பீகார் சட்டமன்ற உறுப்பினரும், ஆராவில் இருந்து மக்களவை எம்.பி-யுமான சுதாமா பிரசாத்தின் மனைவிக்கு, இரண்டு வாக்காளர் புகைப்பட அடையாள அட்டைகள் இருப்பது கண்டறியப்பட்டுள்ளது.

சுதாமா பிரசாத்தின் மார்க்சிஸ்ட் கம்யூனிஸ்ட் கட்சி, தேர்தல் ஆணையத்தின் சிறப்புத் தீவிர மறுபரிசீலனை செயல்முறையை எதிர்த்து உச்ச நீதிமன்றத்தில் வழக்கு தொடுத்தவர்களில் ஒருவர். ஆனால் அவருடைய மனைவிக்கே இரண்டு வாக்காளர் புகைப்பட அடையாள அட்டைகள் இருப்பது பெரும் சர்ச்சையாகி உள்ளது.

ராகுல் காந்தி, தேர்தல் ஆணையம் பாஜகவுக்கு ஆதரவாக வாக்குகளை கையாண்டது என்று கூறிய பிறகு, இந்த 2 விமர்சனங்கள் எழுந்துள்ளன. எதிர்க்கட்சிகள், வரவிருக்கும் தோல்விக்கு பயந்து தேர்தல் ஆணையத்தின் நம்பகத்தன்மையை குறைத்து மதிப்பிடுவதாக என்.டி.ஏ. தலைவர்கள் குற்றம்சாட்டியுள்ளனர்.

Edited by Siva