சிபிஎஸ்இ 10, 12 ஆம் வகுப்பு பொதுத்தேர்வு எப்போது? தேதிகள் அறிவிப்பு!

சிபிஎஸ்இ பத்தாம் வகுப்பு மற்றும் பன்னிரண்டாம் வகுப்பு பொது தேர்வுக்கான தேதிகள் வெளியிடப்பட்டுள்ளது

 நடப்பு கல்வி ஆண்டுக்கான சிபிஎஸ்இ பத்தாம் வகுப்பு பொது தேர்வு பிப்ரவரி 15ஆம் தேதி தொடங்குகிறது என்றும் இந்த தேர்வு மார்ச் 13ஆம் தேதி நிறைவடைகிறது என்றும் அறிவிக்கப்பட்டுள்ளது.

அதேபோல் சிபிஎஸ்சி 12ஆம் வகுப்பு பொது தேர்வு பிப்ரவரி 15ஆம் தேதி தொடங்கி ஏப்ரல் 2ஆம் தேதி நிறைவடைகிறது என அறிவிக்கப்பட்டுள்ளது.  

ஜே.ஈ.ஈ. உள்ளிட்ட தேர்வுகளை கருத்தில் கொண்டு சிபிஎஸ்சி தேர்வு அட்டவணை தயாரிக்கப்பட்டுள்ளதாகவும் தேர்வு அட்டவணை குறித்த முழு விவரங்களை cbse.nic.in , cbse.gov.in இணையதளத்தில் மாணவர்கள் தெரிந்து கொள்ளலாம் என்றும் அறிவிக்கப்பட்டுள்ளது.  

மார்ச் இறுதியில் அல்லது ஏப்ரல் மாதம் நாடாளுமன்ற தேர்தல் நடைபெற இருப்பதால் மார்ச் மாதத்திற்குள் அனைத்து தேர்வுகளையும் முடிக்க திட்டமிடப்பட்டு இருப்பதாகவும் கூறப்படுகிறது.

Edited by Siva