தங்கம் விலை கடந்த சில நாட்களாக குறைந்து கொண்டே வந்த நிலையில், இன்று திடீரென ஒரே நாளில் ஒரு சவரனுக்கு ₹480 உயர்ந்ததாக வெளிவந்த தகவல் பெரும் அதிர்ச்சியை ஏற்படுத்தியுள்ளது.
கடந்த 13ஆம் தேதி ஒரு கிராம் தங்கம் ₹7230 என்று இருந்த நிலையில், படிப்படியாக இறங்கி, நேற்று ₹7040 வரை விற்பனையானது. ஆனால், இன்று திடீரென ஒரு கிராமுக்கு ₹60 உயர்ந்து ₹7100 ஆக விற்பனையாகிறது.
அதேபோல், நேற்று ஒரு சவரன் தங்கம் ₹56,320 என்ற விலையில் விற்பனையான நிலையில், இன்று ₹480 உயர்ந்து ₹56,800 என விற்பனையாகியுள்ளது.
அதேபோல், 24 கேரட் தூய தங்கம் ஒரு கிராம் ₹7745 என்றும், எட்டு கிராம் ₹61,960 என்றும் விற்பனையாகி வருகிறது.
நேற்று ஒரு கிராம் வெள்ளி ₹98 என விற்பனையான நிலையில், இன்று ₹1 உயர்ந்து ₹99 ஆகவும், ஒரு கிலோ ₹99,000 என்றும் விற்பனையாகி வருகிறது.
தங்கம் விலை இன்னும் அதிகரிக்க வாய்ப்பு இருப்பதாக கூறப்படுவதால், இறங்கிய நேரத்தில் முதலீட்டுக்கு வாங்கி வைத்துக் கொள்வது நல்லது என பொருளாதார ஆலோசகர்கள் கருத்து கூறி வருகின்றனர்.
