தங்கம் விலை கடந்த சில நாட்களாக ஏற்ற இறக்கத்துடன் இருந்து வரும் நிலையில் இன்று ஒரே நாளில் ஒரு சவரன் 600 ரூபாய் தங்கம் விலை உயர்ந்து 60 ஆயிரத்துக்கு மேல் விற்பனையாகி வருவது நகை பிரியர்களுக்கு பெரும் அதிர்ச்சியை ஏற்படுத்தி உள்ளது.
தங்கம் விலை இன்று ஒரே நாளில் ஒரு கிராம் 75 ரூபாயும் ஒரு சவரன் 600 ரூபாயும் உயர்ந்துள்ளது. இந்த நிலையில் சென்னையில் இன்றைய தங்கம் மற்றும் வெள்ளி விலை குறித்த நிலவரத்தை பார்ப்போம்.
சென்னையில் ஆபரணத் தங்கத்தின் விலை இன்று ஒரு கிராம் 75 ரூபாய் உயர்ந்து 7,525 என விற்பனையாகிறது. அதேபோல் சென்னையில் ஆபரணத் தங்கம் ஒரு சவரன் 600 ரூபாய் உயர்ந்து விலை ரூபாய் 60,200 என விற்பனையாகி வருகிறது என்பது குறிப்பிடத்தக்கது.
சென்னையில் இன்று 24 காரட் தங்கம் விலை ஒரு கிராம் ரூபாய் 8,209 எனவும் ஒரு சவரன் ரூபாய் 65,672 எனவும் விற்பனையாகி வருகிறது. சென்னையில் இன்று வெள்ளியின் விலை ஒரு கிராம் ரூபாய் 104.00 எனவும், ஒரு கிலோ விலை ரூபாய் 104,000.00 எனவும் விற்பனையாகி வருகிறது.
