பிரபல ஹாலிவுட் இயக்குனர் கிறிஸ்டோபர் நோலனின் மாஸ்டர் பீஸ் படங்களில் ஒன்றான இண்டெஸ்டெல்லார் இந்தியாவில் மீண்டும் ரீரிலீஸ் செய்யப்படுகிறது.
ஹாலிவுட்டில் வித்தியாசமான பல படங்களை இயக்கும் இயக்குனர் கிறிஸ்டோபர் நோலனுக்கு உலகம் முழுவதும் ஏராளமான ரசிகர்கள் உள்ளனர். 2014ல் இவர் இயக்கத்தில் வெளியான இண்டெஸ்டெல்லார் திரைப்படம் உலக அளவில் பெரும் தாக்கத்தை ஏற்படுத்தியது. நோலன் ரசிகர்களால் இன்றளவும் மிகவும் கொண்டாடப்படும் படமாக இண்டெஸ்டெல்லார் உள்ளது.
கடந்த 2024ம் ஆண்டுடன் இண்டெஸ்டெல்லார் வெளியாகி 10 ஆண்டுகள் நிறைவடைந்ததை கொண்டாடும் விதமாக உலகமெங்கும் ரீ ரிலீஸ் செய்யப்பட்டது. ஆனால் அந்த சமயம் இந்தியாவில் புஷ்பா 2 உள்ளிட்ட பல படங்கள் வெளியாகியிருந்ததால் இண்டெஸ்டெல்லார் படத்திற்கு ஐமேக்ஸ் திரையரங்குகள் கிடைப்பதில் சிக்கல் ஏற்பட்டது. இதனால் இண்டெஸ்டெல்லார் இந்தியாவில் ரிலீஸ் ஆகாததால் நோலன் ரசிகர்கள் சோகத்தில் ஆழ்ந்தனர்.
இந்நிலையில் ரசிகர்களின் எதிர்பார்ப்பை பூர்த்தி செய்யும் விதமாக இண்டெஸ்டெல்லார் பிப்ரவரி 7ம் தேதி இந்தியாவில் ரீ ரிலீஸ் செய்யப்பட உள்ளதாக வார்னர் ப்ரதர்ஸ் நிறுவனம் அறிவித்துள்ளது. இண்டெஸ்டெல்லாரின் விண்வெளி பிரம்மாண்டத்தை மீண்டும் ஒருமுறை ஐமேக்ஸ் திரையில் காண ரசிகர்கள் தயாராகி வருகின்றனர்.
Edit by Prasanth.K
