கோதுமை மாவு ஒன்று போதும் சருமம் மென்மையாக.. ஆச்சரிய தகவல்..!

கோதுமை மாவால் சருமம் மென்மையும் பிரகாசமும் அடையும் என்று கூறப்பட்டு வரும் நிலையில் அதுகுறித்து தற்போது பார்ப்போம்.

சரும சுத்தம் மற்றும் பொலிவுக்கு

கோதுமை மாவு, இயற்கையான ‘எக்ஸ்ஃபோலியேட்டராக’ செயல்பட்டு, முகத்தில் இருக்கும் அழுக்குகள் மற்றும் எண்ணெய் கலவைகளை நீக்குகிறது. இதனால், முகம் ஜொலிக்கத் தொடங்கும்.

முடி வளர்ச்சியை கட்டுப்படுத்தும்

தொடர்ந்து பயன்படுத்தும்போது, கோதுமை மாவு முடி வேர்களை மெதுவாக பலவீனமாக்கி, அவற்றின் வளர்ச்சியை குறைக்கும். குறிப்பாக முகத்தில் உள்ள சிறு முடிகளை அகற்றுவதற்கு இது பயனாகிறது.

பயன்பாட்டு முறைகள்:

பேஸ்ட் 1: கோதுமை + தயிர்/பால் + மஞ்சள்

தேவைப்படும் பொருட்கள்:

கோதுமை மாவு – 2 ஸ்பூன்

தயிர் அல்லது பால் – 1 ஸ்பூன்

மஞ்சள் தூள் – சிறிதளவு

செய்முறை:

எல்லாவற்றையும் கலந்து விழுதாக செய்து முகத்தில் தடவி 15 நிமிடம் காய வைக்கவும். பின்னர் நனைந்த கைகளால் மெதுவாக துடைக்கவும்.

பேஸ்ட் 2: கோதுமை + தேன்

முடி வளரும் இடங்களில் தடவி, 20 நிமிடங்கள் காய வைக்கவும். பிறகு கீழிருந்து மேலாக மெதுவாக பிடுங்கி எடுக்கவும்.

ஸ்கிரப்: கோதுமை + கடலை மாவு + தயிர்/பால்

இதை முகத்தில் தடவி 10 நிமிடங்கள் கழித்து ஸ்கிரப் செய்து கழுவவும். இதுவும் பொலிவை கூட்டும்.

இந்த செய்முறைகள் வாரத்தில் 2-3 முறை பயன்படுத்தப்படும்போது, நல்ல முடிவுகளை காணலாம்.

Edited by Mahendran