மத்திய பட்ஜெட்டில் தங்கம் மற்றும் வெள்ளி பொருட்களுக்கான வரி குறைக்கப்பட்டுள்ளதை அடுத்து தங்கம் வெள்ளி விலை இனி குறையும் என்று எதிர்பார்க்கப்படுகிறது.
மத்திய நிதி அமைச்சர் நிர்மலா சீதாராமன் இன்று 2024-25 ஆம் ஆண்டுக்கான பட்ஜெட்டை தாக்கல் செய்து வரும் நிலையில் அதன் பல முக்கிய அறிவிப்புகள் இருந்ததை பார்த்தோம்.
இந்த நிலையில் சற்றுமுன் மத்திய அமைச்சர் நிர்மலா சீதாராமன் தங்கம் மற்றும் வெள்ளி மீது விதிக்கப்படும் 15 சதவீத வரியை 6 சதவீதமாக குறைத்து அறிவித்துள்ளார். அதேபோல் பிளாட்டினம் மீதான சுங்கவரி 15.4%-ல் இருந்து 6 சதவிகிதம் ஆக குறைக்கப்படுகிறது. தாமிரம் மற்றும் உருக்கு இறக்குமதி வரிகளும் குறைக்கப்படும் என்று அறிவிக்கப்பட்டுள்ளது.
தங்கம் வெள்ளி மற்றும் பிளாட்டினத்தை அடுத்து வைரத்திற்கும் 6.4 சதவீதமாக இறக்குமதி வரி குறைக்கப்பட்டுள்ளது. இந்த அறிவிப்பு காரணமாக தங்கம், வெள்ளி, பிராட்டினம், வைரம் ஆகியவற்றின் விலை குறையும் என்று எதிர்பார்க்கப்படுகிறது.
