Publish Date: Fri, 13 Nov 2020 (21:01 IST)
Updated Date: Fri, 13 Nov 2020 (21:06 IST)
தீபாவளியை முன்னிட்டு புதுக்கவிதை:
தலைப்பு -
பட்டாசு விளையும் பூமி - கோபால்தாசன்
சுவாசிக்க கொஞ்சம்
உடம்பில் கொஞ்சமென வாழும்
உற்சாகப்படுத்துவதற்கு
அவர்கள்
நாளெல்லாம்
கால்வயிற்றிற்கும்
உயிர் பயத்திற்குமாய் செய்யும்
சிறியவர் என்றில்லாது
அதிகாலையில்
மதியத்திற்கு எடுத்துச் செல்லும்
உணவை விட
அவர்கள்
வாழ்வினுள்ளிருக்கும்
தேவைகளின் எதிர்பார்ப்புகளே
முகம் காட்டி முணுமுணுக்கும்
வெடித்த பட்டாசுத் தாள்களின்
சிதறல்களில்கூட
அன்றாட பணியின்
சம்பள பாக்கியின் கணக்கு
எழுதப்பட்டிருக்கலாம்
கந்தக பூமியின்
ஆசை கனவுகள் எல்லாமே
பட்டாசுகளை சரம்சரமாய்
தொடுத்துக் கொண்டிருக்கும்
கூடாரங்களிலேயே
உட்கொள்ளும் மருந்து
மாத்திரைகளிலிருந்து
குடிக்கும் தண்ணீர் வரையிலும்
ரசாயனத்தின் கை படாமலில்லை
ஆமாம்
மற்றவரின் மகிழ்ச்சிக்காக
பாடுபடும் அவர்களின்
வாழ்வில்
மகிழ்ச்சி இருக்கிறதா?
பட்டாசு விளையும் பூமி!
- கோபால்தாசன்
