Publish Date: Sun, 07 Apr 2024 (12:03 IST)
Updated Date: Sun, 07 Apr 2024 (12:05 IST)
நடப்பு ஐபிஎல் சீசனில் இன்று மாலை நேர போட்டியில் லக்னோ அணியும், குஜராத் டைட்டன்ஸ் அணியும் மோதிக் கொள்ள உள்ளன.
நடப்பு ஐபிஎல் சீசன் தொடங்கி பரபரப்பாக நடந்து வருகிறது. அனைத்து அணிகளும் தலா 4 போட்டிகள் வரை விளையாடியுள்ள நிலையில் புள்ளி பட்டியலில் அதிரடி மாற்றங்கள் தெரிகின்றன. இந்நிலையில் இன்று புள்ளிப்பட்டியலில் 4வது இடத்தில் உள்ள லக்னோ அணி, 7வது இடத்தில் உள்ள குஜராத் டைட்டன்ஸ் அணியை எதிர்கொள்கிறது.
இரு அணிகளுமே தலா 4 புள்ளிகளில் உள்ள நிலையில் இன்று வெற்றி பெறும் அணி மேலும் 2 புள்ளிகளை பெற்று சிஎஸ்கேவை கீழே இறக்கி புள்ளிப்பட்டியலில் மூன்றாவது இடத்தை அடைய வாய்ப்புகள் உள்ளது. அதுபோல அதிக ரன்ரேட் வித்தியாசத்தில் வெற்றி அமைந்தால் இரண்டாவது இடத்திற்கு கூட முன்னேற முடியும்.
குஜராத் அணி 4க்கு 2 போட்டி வெற்றி பெற்றிருந்தாலும், பேட்டிங் பவுலிங் லைன் அப் நல்ல நிலையில் உள்ளது. லக்னோ அணி 3க்கு 2 வெற்றியுடன் நல்ல ஃபார்மில் உள்ளது. இதனால் இந்த இரு அணிகளுக்கான இன்றைய போட்டி ஒரு சுவாரஸ்யமான போட்டியாக இருக்கும் என எதிர்பார்க்கப்படுகிறது.
எந்த அணி இறங்கினாலும் ரன் இலக்கு 160-180க்குள் இருக்கும் என்றும், சேஸிங் கடினமானதாக த்ரில்லானதாக அமையும் என்றும் எதிர்பார்க்கப்படுகிறது.
