நேற்று குஜராத்தில் பெய்த கனமழையால் ஐபிஎல் இறுதி போட்டி ஒத்திவைக்கப்பட்ட நிலையில் இன்றும் மழை பெய்யுமா என்பது குறித்து வானிலை ஆய்வு மையம் தெரிவித்துள்ளது. இந்நிலையில் இன்று மழை நிலவரம் குறித்து தெரிவித்துள்ள இந்திய வானிலை ஆய்வு மையம், தென்மேற்கு பருவக்காற்று காரணமாக அடுத்த 3 அல்லது 4 மணி நேரத்தில் ராஜஸ்தான், பஞ்சாப், மத்திய பிரதேசம், ஜம்மு காஷ்மீர் உள்ளிட்ட மாநிலங்களில் பல பகுதிகளில் பலத்த காற்றுடன் கூடிய மழை பெய்யும் என தெரிவித்துள்ளது.
இதுபற்றி ட்வீட் செய்துள்ள தமிழ்நாடு வெதர்மேன் ஜான் ப்ரதீப் “இடியுடன் கூடிய மழை அகமதாபாத்தில் பெய்யும். ஆனால் அது போட்டி நேரத்துக்கு முன்பாக இருக்கும். கண்டிப்பாக சூறாவளிக் காற்றும் இடிகளும் இருக்கும்” எனத் தெரிவித்துள்ளார்.
