ஐபிஎல் தொடர் நடைபெற்று வரும் நிலையில், இன்றைய போட்டியில் பஞ்சாப் கிங்ஸ் அணிக்கு, டெல்லி அணி 214 ரன்கள் வெற்றி இலக்காக நிர்ணயித்துள்ளது.
ஐபிஎல் 2023, 16வது சீசன் தற்போது நடைபெற்று வருகிறது. மொத்தம் 10 அணிகள் பங்கேற்று விளையாடி வரும் நிலையில், லீக் சுற்று விறுவிறுப்பாக நடைபெற்று வருகிறது.
64 வது லீக் சுற்று ஆட்டத்தில் இன்று பஞ்சாப் கிங்ஸ் அணிக்கு எதிராக டெல்லி கேப்பிட்ல்ஸ் அணி விளையாடுகிறது.
இரு அணிகளும் டாஸ் போட அழைக்கப்பட்ட நிலையில், பஞ்சாப் கிங்ஸ் அணியின் கேப்டன் தவான் டாஸ் வென்று பந்துவீச்சு தேர்வுசெய்தார்.
அதன்படி, டெல்லி கேப்பிட்டல்ஸ் அணி முதலில் பேட்டிங் செய்தது. இதில், கேப்டன் டேவிட் வார்னர் 31 பந்துகளில் 46 ரன்னும், பிரித்வி ஷா 38 பந்துகளில் 54 ரன்னும், ரிலீரூசோ 37 பந்துகளில் 82 ரன்னும் அடித்தனர்.
20 ஓவரில் 2 விக்கெட் இழப்பிற்கு 213 ரன்கள் எடுத்து, பஞ்சாப் கிங்ஸ் அணிக்கு 214 ரன்கள் வெற்றி இலக்கு நிர்ணயித்துள்ளனர்.
பஞ்சாப் அணி தரப்பில், சாம் குரான் 2 விக்கெட்டும் கைப்பற்றினார்.
