இந்தியா – தென் ஆப்பிரிக்கா இடையே நடந்து வரும் டி20 போட்டிகளில் இன்றைய போட்டியிலாவது இந்தியா வெற்றிபெறுமா என்ற எதிர்பார்ப்பு எழுந்துள்ளது.
இந்தியா – தென் ஆப்பிரிக்கா இடையேயான 5 டி20 போட்டிகள் கொண்ட தொடர் இந்தியாவில் தொடங்கி நடந்து வருகிறது. முன்னதாக 2 போட்டிகள் முடிவடைந்துள்ள நிலையில் முதல் போட்டியில் 7 விக்கெட் வித்தியாசத்திலும், இரண்டாவது போட்டியில் 4 விக்கெட் வித்தியாசத்திலும் தென் ஆப்பிரிக்க அணி வெற்றி பெற்றுள்ளது.
5 போட்டிகள் கொண்ட தொடரில் தென் ஆப்பிரிக்கா 2-0 என்ற கணக்கில் முன்னணியில் உள்ளது. இந்த தொடரை இந்தியா கைப்பற்ற வேண்டுமென்றால் அடுத்த 3 போட்டிகளில் இந்திய அணி வெற்றிபெற வேண்டும். இந்த நெருக்கடியான சூழலில் இன்று இந்தியா – தென் ஆப்பிரிக்கா இடையேயான 3வது டி20 போட்டி ஆந்திர மாநிலம் விசாகப்பட்டிணத்தில் நடைபெறுகிறது. இந்த போட்டியிலாவது இந்திய அணி வெல்லுமா என ரசிகர்கள் ஆவலுடன் எதிர்பார்த்து காத்திருக்கின்றனர்.
