இந்தியா மற்றும் பாகிஸ்தான் அணிகளுக்கு எதிரான போட்டியை ஹாட்ஸ்டாரில் 1 கோடிக்கும் அதிகமானவர்கள் பார்த்துள்ளனர்.
மிகவும் எதிர்பார்க்கப்பட்ட இந்தியா மற்றும் பாகிஸ்தான் அணிகளுக்கு இடையிலான போட்டி ரசிகர்களைக் கொஞ்சம் கூட ஏமாற்றாமல் பரபரப்பாக நடந்து முடிந்துள்ளது. நேற்றைய போட்டியில் முதலில் பேட்டிங் செய்த பாகிஸ்தான் அணி நிர்ணயிக்கப்பட்ட 20 ஓவர்களில் 19.5 ஓவர்களில் அனைத்து விக்கெட்களையும் இழந்து 147 ரன்கள் எடுத்தது. இந்தியாவின் புவனேஷ் குமார் மிக அபாரமாக பந்து வீசி 4 விக்கெட்டுகளையும் ஹர்திக் பாண்டியா 3 விக்கெட்டுகளையும் வீழ்த்தினர்.
அதன் பின்னர் ஆடிய இந்திய அணி, கோலி, ஜடேஜா மற்றும் ஹர்திக் பாண்ட்யா ஆகியோரின் சிறப்பான ஆட்டத்தால் இலக்கை கடைசி ஓவரில் எட்டியது. இந்த போட்டியைக் காண உலகம் முழுவதும் உள்ள கிரிக்கெட் ரசிகர்கள் ஆர்வமாக இருந்த நிலையில் போட்டி முடியும் நிலையில் ஓடிடி தளமான ஹாட்ஸ்டாரில் 1.3 கோடி பேர் இந்த போட்டியைப் பார்த்துள்ளனர். இந்த எண்ணிக்கை மற்ற எந்த போட்டிகளை பார்த்தவர்களின் எண்ணிக்கையை விட அதிகம் என சொல்லப்படுகிறது.
