மாரி செல்வராஜ் இயக்கத்தில் உருவான பரியேறும் பெருமாள் திரைப்படம் கடந்த 2019 ஆம் ஆண்டு ரிலீஸாகி மிகப்பெரிய அளவில் அதிர்வலைகளை உருவாக்கியது. இந்த படத்தில் கதாநாயகன் பரியனின் செல்ல நாய் கருப்பியாக நடித்திருந்த நாய் மிகப்பெரிய அளவில் ரசிகர்களின் கவனத்தை ஈர்த்தது.
இந்நிலையில் கருப்பி நாய் தற்போது விபத்தில் சிக்கி உயிரிழந்துள்ளது. தீபாவளியின் போது பட்டாசு சத்தம் கேட்டு அந்த நாய் பயந்து ஓடும் போது வாகனம் ஒன்று மோதி இழந்துள்ளது. இதுகுறித்து பரியேறும் பெருமாள் தயாரிப்பு நிறுவனம் அஞ்சலி செலுத்தியிருந்தது.
பரியேறும் பெருமாள் படத்தில் கருப்பி கதாபாத்திரம் ரயில் மோதி உயிரிழக்கும். நிஜ வாழ்க்கையிலும் கருப்பி அதே போல உயிரிழந்திருப்பது மிகுந்த சோகத்தை ஏற்படுத்தியுள்ளது.
