’முண்டாசுப்பட்டி’ உட்பட பல திரைப்படங்களில் நடித்த மதுரை மோகன் காலமானதை அடுத்து திரையுலகினர் இரங்கல் தெரிவித்து வருகின்றனர்.
தமிழ் சினிமாவின் சுமார் 40 ஆண்டுகளுக்கு மேலாக குணச்சித்திர வேடங்களில் நடித்து வருபவர் மதுரை மோகன். இருப்பினும் இவருக்கு ரசிகர்கள் மத்தியில் பிரபலம் கிடைத்தது ’முண்டாசுப்பட்டி’ திரைப்படத்தில் தான்.
மேலும் ’முண்டாசுப்பட்டி’ படத்தை அடுத்து ஹிப்ஹாப் தமிழா ஆதி நடித்த வீரன் திரைப்படத்தில் இவர் ஒரு முக்கிய கேரக்டரில் நடித்திருந்தார். மதுரை சேர்ந்த மோகன் கடந்த சில மாதங்களாக உடல் நலக்குறைவு காரணமாக மருத்துவமனையில் சிகிச்சை பெற்று வந்த நிலையில் இன்று காலை அவர் காலமானார். அவரது மறைவுக்கு திரையுலகினர் இரங்கல் தெரிவித்து வருகின்றனர்
நடிகர் மதுரை மோகன் மறைவு குறித்து நடிகர் காளி வெங்கட் தனது சமூக வலைத்தளத்தில் கூறியிருப்பதாவது:
ஐயா நடிகர் மதுரை மோகன் அவர்கள் இன்று காலை உடல்நலக்குறைவால் காலமானார் ஆழ்ந்த இரங்கலும் வருத்தமும். ஏறத்தாழ 40 ஆண்டுகாலமாக தமிழ் சினிமாவில் அடையாளம் காணப்படாத நடிகராக வலம் வந்தவரை “முண்டாசுப்பட்டி” படத்தின் மூலம் வாய்ப்பளித்த இயக்குனர் ராம்குமார் அவர்களுக்கும் “வீரன்” பட இயக்குனர் சரவண் அவர்களுக்கும் மற்றும் ஐயாவுக்கு வாய்ப்பளித்த அனைத்து இயக்குனர்களையும் இந்த நேரத்தில் நன்றியுடன் நினைவு கூறுகிறேன்” என பதிவு செய்துள்ளார்.
