தமிழ் சினிமாவில் முன்னணி நடிகர் அஜித்குமார். இவர் மூன்றாவது முறையாக ஹெச்.வினோத் இயக்கத்தில் அஜித்61 படத்தில் நடித்து வருகிறார். இப்படத்தை போனிகபூர் தயாரிக்கிறார்.
சமீபத்தில் ஹைதராபாத்தில் மிக வேகமாக நடந்த ஷூட்டிங் முடிந்த நிலையில், அஜித் பைக்ரேஸ் சம்பந்தமாக லண்டன் சென்றுள்ளார். இதுகுறித்த புகைப்படங்கள் வைரலாகி வரும் நிலையில், படக்குழுவினர் அஜித் இல்லாத காட்சிகளை படமாக்கி வருகின்றனர். தற்போது ஷூட்டிங்கில் புனேவின் நடந்து வருவதாக தகவல் வெளியாகிறது.
இந்த நிலையில், அஜித்61 படத்தில் நடிகர் பிரசாந்த் நடித்து வருவதாகவும் இப்படத்தை வரும் டிசம்பர் மாதம் ரிலீஸ் செய்ய படக்குழு திட்டமிட்டுள்ளதாக சமூக வலைதளத்தில் தகவல் வெளியாகிறது.
இதனால், ரசிகர்கள் மிகுந்த உற்சாகம் அடைந்துள்ளனர். இந்த ஆண்டு வலிமை படம் வெளியாகி சூப்பர்ஹிட் அடித்துள்ளதால், அஜித்61 படத்திற்கும் எதிர்பார்ப்பு அதிகரித்துள்ளது.
