தமிழ் சினிமாவின் முன்னனி இயக்குனர் அட்லீ. இவர், ஷங்கரிடம் உதவி இயக்குனராக பணியாற்றிய நிலையில், ராஜா ராணி படம் மூலம் இயக்குனராக அறிமுகமானார்.
அதன்பின்னர், தெறி, மெர்சல், பிகில் ஆகிய படங்களை இயக்கியுள்ளார். இதையடுத்து, பாலிவுட் சூப்பர் ஸ்டார் ஷாருக்கான் நடிப்பில், அட்லீ இயக்கத்தில் உருவான ஜவான் படம் கடந்த 7 ஆம் தேதி உலகம் முழுவதும் வெளியானது.
முதல் நாளே ரூ.129 வசூலித்து சாதனை படைத்துள்ளது. இப்படத்தை அடுத்து, அட்லீ இயக்கவுள்ள அடுத்த படம் மீது எதிர்ப்பார்ப்பு அதிகரித்துள்ளது.
இந்த நிலையில், தெலுங்கு சினிமாவின் முன்னணி நடிகர் அல்லு அர்ஜூன் நடிக்கவுள்ள அடுத்த படத்தை அட்லீ இயக்கவுள்ளதாகவும், இதன் மூலம் தெலுங்கு சினிமாவின் அவர் அறிமுகமாகவுள்ளதாகவும் இப்படத்திற்கும் அனிருத் இசையமைக்கிறார் எனக் கூறப்படுகிறது.
