என் பெயரில் ஏமாற்றுவேலை நடிகர் சூரி அதிர்ச்சி

தமிழ் சினிமாவில் முன்னணி காமெடி நடிகரான சூரி  தன்பெயரில் வெளியாகியுள்ள விளம்பரம் ஒரு ஏமாற்று வேலை என எச்சரித்துள்ளார்.

தமிழ் சினிமாவில் வெண்ணிலா கபடிக் குழு என்ற படத்தின் மூலம் ரசிகர்களிடம் பிரபலம் ஆனவர் சூரி. இதையடுத்து, ஜில்லா, வருத்தபடாத வாலிபர் சங்கம் என்ற பல படங்களில் முன்னணி நடிகர்களுடன் நடித்தார்.

தற்போது, வெற்றிமாறன் இயக்கத்தில் விடுதலை என்ற படத்தில் நடித்துவருகிறார்.

இப்படத்தின் ஷீட்டிங் நடந்து வரும் நிலையில், சமூக வலைதளத்தில் ஒரு சூரியைப் பற்றிய விளம்பரம்   ஒன்று வெளியாகியுள்ளது. அதில், சூரி நடத்தி வரும் அறக்கட்டளை சார்பில் மேல்படிக்க விரும்பும் மாணவர்களுக்கான கல்வி உதவித் தொலை வழங்கப்படும் என விளம்பரம் உருவாக்கப்பட்டு, அதில் அவரது படமும் இடம்பெற்றிருந்தது.

இதைப் பார்த்து அதிர்ச்சி அடைந்த சூரி, இது ஒரு போலியான விளம்பரம் இதை வைத்து சம்பாதிக்கும் உள் நோக்கத்துடன் யாரோ மர்ம நபர்கள் செயல்பட்டுள்ளனர். இவர்கள் மீதது காவல்துறை மூலமாக உரிய நடவடிக்கை எடுக்கப்படும் எனத் தெரிவித்துள்ளார் சூரி.