அதிமுக கூட்டணி குறித்து நிர்வாகிகள் யாரும் பேச வேண்டாம்: தவெக தலைவர் விஜய்

அதிமுக கூட்டணி குறித்து தமிழக வெற்றி கழகத்தின் நிர்வாகிகள் யாரும் பொதுவெளியில் பேச வேண்டாம் என அக்கட்சியின் தலைவர் விஜய் அறிவுறுத்தி உள்ளதாகத் தகவல்கள் வெளியாகி உள்ளன.

அதிமுக பொதுச்செயலாளர் எடப்பாடி பழனிசாமி ஆங்கில நாளிதழ் ஒன்றுக்கு அளித்த பேட்டியில், தமிழக வெற்றிக் கழகத்துடன் கூட்டணி அமைக்கப் பேச்சுவார்த்தை நடைபெறுகிறதா என்று கேட்கப்பட்டபோது, "சட்டசபை தேர்தலில் எதிர்கொள்ள நாங்கள் கையாளும் தந்திரங்களையும், வியூகங்களையும் வெளியில் சொல்ல முடியாது" என்று தெரிவித்திருந்தார். 

இந்த நிலையில், அதிமுக கூட்டணி குறித்து எழும் விமர்சனங்களுக்கு தமிழக வெற்றி கழகத்தின் நிர்வாகிகள் யாரும் பதில் அளிக்க வேண்டாம் என்று கட்சியின் தலைவர் விஜய் அறிவுறுத்தி உள்ளதாக தகவல்கள் வெளியாகி உள்ளன.

இதனை அடுத்து, அதிமுக-பாஜக கூட்டணி பேச்சுவார்த்தைகள் நடைபெற்று வருகிறது என்பது உண்மைதான் என்றும், பாஜகவை கூட்டணியில் இருந்து வெளியேற்றிவிட்டால் அதிமுக கூட்டணிக்கு விஜய் வரத் தயாராக இருப்பதாகக் கூறப்படுவதாகவும் செய்திகள் வெளியாகி கொண்டிருக்கின்றன.

Edited by Mahendran