கன்னியாகுமரி மாவட்டம் நாகர்கோவிலில் இருந்து கடந்த 12-ஆம் தேதி, மதுரை நோக்கிச் சென்ற அரசுப்பேருந்து சாத்தூரில் வந்த போது கோவில்பட்டியை சேர்ந்த கருப்பசாமியை இருவர் துப்பாக்கியால் சுட்டுவிட்டு ஓடிவிட்டனர்.
இதில் கருப்பசாமி சம்பவ இடத்திலேயே உயிரிழந்தார். இந்த வழக்கில் தூத்துக்குடி மாவட்டம் கோவில்பட்டியைச் சேர்ந்த முகமது ரஃபிக் என்பவர் மதுரை மாஜிஸ்டிரேட் நீதிமன்றத்தில் சரண் அடைந்தார். அவரிடம் சாத்தூர் போலீஸார் விசாரணை மேற்கொண்டு வருகின்றனர்.
இந்நிலையில் ரஃபிக்கின் மனைவியுடைய தோழியான மகாலட்சுமி என்பவரிடம் நடத்தப்பட்ட விசாரணையில், ஓ.மேட்டுப்பட்டி அருகே உள்ள குளத்தில் சுட்டுக்கொல்ல பயன்படுத்திய தூப்பாக்கியை வீசியதாக அவர் தெரிவித்தார். இதனையடுத்து அக்கிராம மக்கள் உதவியுடன் குளத்தில் இருந்த துப்பாக்கியை போலீஸார் கண்டெடுத்தனர்.
