திமுகவில் உள்ள முக்கிய அரையல்வாதிகளுக்கு அழைப்பு விடுக்கப்பட்டுள்ளது என பாஜக மாநில துணைத்தலைவர் வி.பி.துரைசாமி பேச்சு.
பிரதமர் மோடி இன்று தனது பிறந்தநாளை கொண்டாடும் நிலையில் அவருக்கு நாடு முழுவதும் வாழ்த்துக்கள் குவிந்து வருகிறது. பாஜகவினர் மோடியின் பிறந்தநாளை சிறப்பாக கொண்டாடி வருகின்றனர். அந்த அந்த வகையில் நாமக்கல் மாவட்டம் ராசிபுரத்தில் மோடியின் பிறந்தநாள் விழா கொண்டாடப்பட்டது.
இதில் பங்கேற்ற பாஜக மாநில துணைத்தலைவர் வி.பி.துரைசாமி செய்தியாளர்களிடம் பின்வருமாறு பேட்டியளித்தார். புதிய கல்வி கொள்கைக்கு ஒப்புதல் அளித்தது திமுக மற்றும் மன் மோகன் சிங் தான், அதேபோல நீட் தேர்வு காரணமாக 13 பேர் இறந்ததற்கும் காரணம் திமுக - காங்கிரஸ் தான்.
கருணாநிதி இறந்த போது மெரினாவில் அடக்கம் செய்ய அனுமதியளிக்க சொன்னது மோடி தான். பாஜகவில் தினந்தோறும் திமுகவினர் சாரை சாரையாக இணைந்து வருகிறார்கள், மேலும் திமுகவில் உள்ள முக்கிய அரையல்வாதிகளுக்கு அழைப்பு விடுக்கப்பட்டுள்ளது. விரைவில் அவர்களும் பாஜகவில் இணைவார்கள் என பேசியுள்ளார்.