வழக்கறிஞர் தாக்கப்பட்ட விவகாரம்: ஆனந்தகுமாரின் மனைவியும் கைது..!

ஓசூரில் நேற்று வழக்கறிஞர் கண்ணன் தாக்கப்பட்ட விவகாரம் பெரும் பரபரப்பை ஏற்படுத்திய நிலையில் பயிற்சி வக்கீல் ஆனந்தகுமார் கைது செய்யப்பட்டார் என்பது தெரிந்தது. ஆனால் தற்போது ஆனந்த குமாரின் மனைவியும் கைது செய்யப்பட்டு இருப்பதாக கூறப்படுவது பரபரப்பை ஏற்படுத்தி உள்ளது.

கிருஷ்ணகிரி மாவட்டம் ஓசூர் பகுதியை சேர்ந்த வக்கீல் கண்ணன் நேற்று பட்டப்பகலில் ஜூனியர் வக்கீல் ஆனந்தகுமார் என்பவரால் அறிவாளால் வெட்டப்பட்டு ஆபத்தான நிலையில் மருத்துவமனையில் சிகிச்சைக்கு அனுமதிக்கப்பட்டார்.

இந்த நிலையில் வழக்கறிஞர் கண்ணனை தாக்கிய ஆனந்தகுமார் நீதிமன்றத்தில் சரணடைந்த நிலையில் அவரிடம் காவல்துறையினர் விசாரணை செய்து வருகின்றனர். கண்ணன் மற்றும் ஆனந்தகுமார் ஆகிய இருவருக்கும் இடையே தகராறு ஏற்பட ஆனந்த குமாரின் மனைவி சத்யா காரணம் என்றும் மனைவியுடன் அடிக்கடி கண்ணன் தகராறு செய்ததால் தான் ஆனந்தகுமார் அவரை அறிவாளால் வெட்டியதாகவும் முதற்கட்ட விசாரணையில் தெரியவந்துள்ளது.

இதனை அடுத்து வக்கீல் கண்ணனை வெட்டிய சம்பவம் தொடர்பாக ஆனந்த குமாரை கைது செய்த போலீசார் அவரது மனைவி சத்யாவையும் கைது செய்து சிறையில் அடைத்தனர். கொலை முயற்சிக்கு உடனடியாக இருந்ததாக சத்யா மீது வழக்கு பதிவு செய்திருப்பதாக கூறப்படுகிறது.

Edited by Siva