சென்னை சரவணா ஸ்டோர்ஸ் பாத்திரக்கடையில் நேற்று ஏற்பட்ட தீயில் சிக்கி இரண்டு ஊழியர்கள் பலியானார்கள்.
சென்னை ரங்கநாதன் தெருவில் உள்ள சரவணா ஸ்டோர் பாத்திரக்கடையில் நேற்று பயங்கர தீவிபத்து ஏற்பட்டது. மொட்டை மாடியில் தங்கி இருந்த ஊழியர்கள் தீ எரிவதை பார்த்து அலறி அடித்துக் கொண்டி வெளியே ஓடிவந்தனர். இதில் 15 பேர் சிக்கி கொண்டனர். அவரில் 3 பேரை தவிர மற்றவர்களை தீயணைப்பு வீரர்கள் மீட்டனர்.
ஜன்னலை உடைத்து அவர்களில் ஒருவரை மீட்டும் ஊழியர்களே மீட்டுள்ளனர். மற்ற 2 பேரின் கதி என்ன ஆனது என்று தெரியாமல் இருந்தது.
இந்தநிலையில் தீயில் சிக்கி கொண்ட இரண்டு ஊழியர்கள் பலியானதாக தற்போது தெரியவந்துள்ளது. இவர்களில் ராமஜெயம் (22) தூத்துக்குடி மாவட்டம் திருச்செந்தூர் அருகே உள்ள ஆறுமுகநேரி கிழக்கு சுப்பிரமணியபுரத்தைச் சேர்ந்தவர். கோட்டைசாமி (27) நெல்லை மாவட்டம் தென்காசி அருகே உள்ள கீழப்பாவூரைச் சேர்ந்தவர்.
இவர்களது உடல்களை கைப்பற்றிய காவல்துறையினர் பிரேத பரிசோதனைக்காக ராயப்பேட்டை அரசு மருத்துவமனைக்கு அனுப்பி வைத்தனர்.
