உலக மகளிர் டென்னிஸ் கூட்டமைப்பு இன்று வெளியிட்டுள்ள தரவரிசைப் பட்டியலில் இந்திய டென்னிஸ் வீராங்கனை சானியா மிர்சா ஒரு இடம் முன்னேறி 28வது இடத்திற்கு சென்றுள்ளார்.
கடந்த வாரத்தில் இவர் 29வது இடத்தில் இருந்தார்.
இதற்கிடையே வரும் 27ம் தேதி தொடங்கவுள்ள யு.எஸ். ஓபன் கிராண்ட் ஸ்லாம் டென்னிஸ் தொடரின் கலப்பு இரட்டையர் பிரிவில் சானியா மிர்சா, மகேஷ் பூபதி இணைந்து களமிறங்குகின்றனர்.
விம்பிள்டனில் கலப்பு இரட்டையர் பிரிவில் முதன்முதலாக இருவரும் இணைந்து ஆடினர், ஆனால் 2வது சுற்றிலேயே தோற்றனர்.
ஆடவர் இரட்டையர் தரவரிசையில் மகேஷ் பூபதி ஒரு இடம் இறங்கி 20வது இடத்திற்கும், லியாண்டர் பயஸ் ஒரு இடம் முன்னேறி 8வது இடத்திற்கும் வந்துள்ளனர்.
ஆடவர் ஒற்றையர் தரவரிசையில் போபண்ணா 223வது இடத்தையும், பிரகாஷ் அமிர்தராஜ் 270வது இடத்தையும் தக்கவைத்துள்ளனர். கரன் ரஸ்தோகி 340வது இடத்திற்கு இறங்கினார்.
